La nuesa meta ye l’anovación dixital de cualquier negociu. Asesoramos y proponemos midíes d’altu valor p’actualizar y impulsar la to empresa nel mundu dixital.
Cómo podemos ayudate
Aplicaciones Web
Gústanos apurrir soluciones de calidá curiando l’aspeutu, la seguranza y les funcionalidaes que requier cada proyeutu. Diseñamos aplicaciones web responsives, que s’adapten a tolos dispositivos, curiando siempre la interaición y esperiencia d’usuariu UX.
Apostamos por ferramientes open source (de códigu abiertu) con teunoloxíes y plataformes líderes como Symfony, Vue.js, que nos dexen abordar con garantíes aplicaciones web de cualesquier tamañu y complexidá, dende’l backend (les tripes de l’aplicación: API, llóxica y panel d’alministración) hasta’l frontend (la parte visible).
Aplicaciones móviles
En Gomeru Apps diseñamos y desarrollamos aplicaciones móviles centraes nel usuariu, intuitives y fáciles d’usar. Un bon diseñu previu d’interaición y esperiencia d’usuariu (UX), xunto con un desarrollu áxil y fiable, son los ingredientes perfeutos p’algamar app móviles de garantíes.
Axustámosnos a los requisitos y necesidaes de cada proyeutu para construyir aplicaciones que funcionen perfeutamente nes plataformes dominantes del mercáu: iOS (iPhone/iPad) y Android. Somos profesionales espertos en desarrollu d’apps móviles natives y dominamos los llinguaxes y teunoloxíes líderes pa ufrir gran versatilidá: Swift, Objective-C, Java y Kotlin.
Soluciones GIS
Cola proliferación de los beacons, trackers, drones y otros dispositivos que son a obtener allugamientos y datos asociaos, multiplicóse’l númberu de proyeutos que necesiten saca-yos rendimientu a esta valiosa información. Amosala d’manera áxil en mapes con distinta cartografía, ufrir servicios xeollocalizaos de valor pal usuariu, y un sinfin de posibilidaes son cada vegada más recurrentes.
Soluciones IoT
Desarrollamos aplicaciones que permiten la interconexón con tou tipu de dispositivos al traviés d’internet, teunoloxía NFC o bluetooth.