Soluciones GIS

GIS (Geographic Information System ) o SIG (Sistema d’Información Xeográficu) n’asturianu, son les sigles utilizaes pa refererise a sistemes d’información que remanen datos xeográficamente referenciaos. Préstanos trabayar en cualesquier proyeutu nel qu’heba qu’almacenar estos datos, procesalos, analizalos y visualizalos de manera amigable.

Cola proliferación de los beacons, trackers, drones y otros dispositivos que son a d’obtener allugamientos y datos asociaos, multiplicóse’l númberu de proyeutos que necesiten saca-y rendimientu a esta valiosa información. Amosala de manera áxil en mapes con distinta cartografía, ufrir servicios xeollocalizaos de valor pal usuariu, y un sinfín de posibilidaes son cada vegada más recurrentes.

Xestión de flotes de vehículos, xeoetiquetáu d’activos, seguridá en plantes de producción, control de parceles agrícoles, mapes de catastru solar, marketplace con productos xeollocalizaos…, son sólo dalgunos exemplos de los proyeutos colos que trabayamos. Si tas buscando profesionales de confianza que puedan desarrollar el to proyeutu, nun duldes en consultanos.